هل يمكن سياقة دراجة نارية برخصة السيارة
السلام عليكم، هذا السؤال يتم طرحه كثيرا من طرف اصحاب الدراجات النارية و اصحاب التريبورتور لكن لنوضح اولا انواع رخص السياقة الخاصة بالدراجات النارية في المغرب ثم سنجيب عن السؤال اخر التدوينة لكي تفهموا جيدا قانون الدراجات النارية بالمغرب 2020 المتعلق برخص السياقة و الذي تحكمه مدونة السير لسنة 2016 التي جاءت فيها مجموعة من التعديلات.
رخصة السياقة من نوع AM
هاذ الرخصة مازال ماطبقوهاش هي خاصة بسياقة الدراجة النارية فيتاس لكن لي عندها بلاكة صغيرة يعني مافيها الحرف بحال "أ" او "د" المهم بلاكة صغيرة..هذه الرخصة حتى واحد ماغاديش اسولك عليها لانه ماكاين حتى شي مؤسسة في المغرب لي كاتعطيها او ماكايناش فالبيرمي لكن من هنا لقدام غادي اديروها تكون خاصة بالمواطر الصغار بحال 103 او MBK او حتى مالين سي 50 ليعندهوم بلاكة صغيرة غادي اطبقوها عليهوم، لكن ماتخافش مازال بعيدة الحال.
رخصة السياقة من نوع A1
هاذ الرخصة كاينة او مطبقة هي لي تقدر تسوق بيها الموطور ليعندو حرف أليف "أ" مثلا فالبلاكة يعني لي عندو بلاكة صغيرة، لكن ماتقدرش تسوق بيها Tmax مثلا، علاش حيث تيماكس فيه كثر من 125 سنتيمتر مكعب فالسيلاندر ديالو، هاذ الرخصة تقدر تسوق بهيا غي المواطر لي عندهوم فالماكينة من 50 فالسيلاندير تال 125 فالسيلاندير هاذ الرخصة ساهلة شوية فيها غير الكود مافيهاش التطبيق بالموطور يعني تدوز دوك 8 د الفيراجات او الدوران قدام اللجنة، غادي تمشي فقط تدوز الامتحان ديال الموطور فالتلفزة الى نجحتي كايعطيوك بيرمي لكن ماتقدرش تسوق بيه موطور بينيلي مثلا لي فيه 150 فالسيلاندير حيث غادي تخصك الرخصة الكبيرة لي غانهضرو عليها فالتحت.
رخصة السياقة من نوع A
هاذ الرخصة الى عندك تقدر تسوق بيها اي موطور فالمغرب كيفما كان او شحال ما وصلات الماكينة ديالو، هاذ البيرمي ليكايدوزوه الدراري حيث بعدا هو تهنيتي بمرة ماشي بحال البيرمي الاول لي كايخليك تسوق المواطر غي تال 125 فالسيلاندير لكن هاذ البيرمي غالي شوية او صعيب شوية، اولا خاصك تدوز التدريبات بالموطور الكبير عند سيارة تعليم السياقة او تمشي تدوز الامتحان ديال الكود كاتدوز فيه الكود ديال الطانوبيل او ديال الموطور بزوج كايعطيوك 46 سؤال خاصك على الاقل تجيب فيه 36 سؤال صحيح الى بغيتي تدوز للتطببيقي بالموطور قدام اللجنة الى نجحتي كاتشد البيرمي ديال الثمن ديالو تقريبا على حساب لكن الاغلبية ديالو كايقولو دابا 70 الف او 60 الف على حساب زهرك.
هل يمكن سياقة دراجة نارية برخصة السيارة
واش تقدر تسوق الموطور برخصة السياقة ديال السيارة الجواب : لا
مايمكنش حيث الموطور بوحدو او السيارة بوحدها او التحكم فالموطور ماشي هو التحكم في السيارة
ثم ان الكود مثلا لي كايدوزوه مالين الطانوبيلات ماشي ديال المواطر
حيث كاينين شي بلاكات فالطريق خاصين غي بموالين المواطر ماكايعرفوش مالين الطانوبيلات اش كايعنوي
ثم انه خاصك تدوز الكود فالميكانيك ديال الموطور كذلك
